Newsletter

Benefits of Fruits & Vegetables:

Narangi (Orange)

meyde aur aanton ko saaf karta hai. Hazme ko taqwiyat pohchata hai. Masfi khoon aur qabz kusha hai. Khusosan dil aur jigar ke liye beinteha mufeed hai.

Qarib qarib har qisam ke bukhar aur yarqan aur ikhtelaj ke liye akseer se kam nahi. Narangi (Orange) mein vitamin A, B aur C kafi miqdar mein paya jata hai.

Vitamin C sab se ziyada miqdar mein hai aur yehi vitamin sab se afzal hai. Jaded tehqiqat ki rou se is mein vitamin D ki bhi kami nahi. Aur tibbi nuqta nazar se Vitamin A, B, C ke sath vitamin D ki aamezish ghiza ko bohat ziyada mufeed aur lateef bana deti hai. Is ke ilawa narangi (Orange) ke arq mein vitamin C aur calcium ke murakkabat bhi paey jate hain, jo insane nashonuma ke liye bohat zaroori hai.

Danton ke amraaz khusosan Pyria ke liye Narangi (Orange) behad mufeed hai.

Jinhe dodh na hazam hota ho un ke liye bhi orange ka istemal bohat mufeed hai.

Aik American Doctor ki raye hai ke orange ka arq sher khuwar bachon ke liye aab e hayat hai. Atbaat yunani ke nazdeek bhi orange bohat umdah phal mana gaya hai.

Sarotar aur mafrah hai. Meyde ko aur dil ko bohat taqwiyat pohchahta hai. Garmi aur piyas ko rafaa karta hai. Saqeel ghiza ke bad orange ka istemal nihayat mufeed hai. Seene aur jismani hararat ka muhafiz hai. Jism ko farba karta aur khoon saleh peyda karta hai.

Jigar ko taqwiyat deta aur masane aur kidneys ki kamzori ko door karta hai.

Dimaghi kamzori ko rafaa aur hazma qawi karta hai.

Pait ke keerhe nikalta hai. Baadi ki shikayat mitata aur muney ko garha karta hai.

Qadre qabiz aur saqeel hota hai. Khansi aur damey mein is se parhez lazim hai.

Sard tar, farhat bakhsh hai. Dil aur meyde ko taqat deta hai. Garmi ko mitata hai. Bechaini, qey aur matli ko ddor karta hai. Seene ko saaf karta hai.

Taqat bakhsh hai. Khoon ke josh ko thanda karta hai. Bhari ghiza ke liye orange ka istemal hazim hai.

Anar Ke Faide:

Anar (Pomegranate) jise jannat ka phal bhi kaha jata hai. Qadeem tehzebon mein bhi is ka istemal kiya jata raha hai.

Yeh shifai phal hai, Anar ke beshbaha fawaid hain. (Pomegranate)Anar ka danekhaya jaye yaanar ka juice piya jaye, dono soorton mein anar (pomegranate ) intehai faide mand hai.

September se February ke awaiyl tak yeh fruit ba aasani dastiyab hota hai. Duniya ke beshtar mumalik mein anar (pomegranate ) ki kasht ki jati hai.

Pomegranate (Anar) ke juice mein black namak daal kar piya jaye to hazma bhi behtar hota hai aur dauran e khoon mein bhi izafa hota hai.

Anar (Pomegranate) naya khoon banana ki aehliyat rakhta hai.

American University of Wisconsin ne tehqeeq se sabit kiya ke anar (pomegranate) ka juice pine se males mein batadreej prostate cancer ke imkanat zaiyl ho jate hain.

Amraaz e qalb aur high blood pressure ke patients ke liye bhi yeh amrit dharey ki hesiyat rakhta hai. Anar (Pomegranate) se jiam mein viral infection ke khilaf mudafat paida hoti hai.

Teeth mein Plock jama hone ki soorat mein yeh mou ki bimariyon se bachata hai.

Green tea ke muqabley mein anar (pomegranate) 3 guna zaiyd antioxidant par mushtamil hai. Amraaz e qalb mein mubtila mareez daily (pomegranate)anar ka juice piye to dil tak khoon ki rasd barhne lagti hai

Vitamin C aur folic acid ki bharpor miqdar ki wajah se pomegranate cholesterol ghatane mein madad deta hai.

Methe (pomegranate) anar se kamzori meyda, jigar, dast aur qey jaldi door ho jati hai.

Anar qadrey qabiz hai. Jism ko mota karta hai. Khoon saaf karta hai. Piyas aur bechaini ko door karta hai. Garmi door karne ko methe aur khatte dono qisam ke anaar faiydemand hain.

(Pomegranate) Anar ka juice nihayat thanda aur mufarrah hota hai aur tamam safrawi shikayaton mein nafaa deta hai.

Fever aur shadid piyas ki halat mein thandak pohchata hai. Sozaak mein mufeed hai.

Tursh pomegranate sard khushk hota hai. Meyde aur seene ki sozish ko rafaa karta hai.

Josh khoon garmi ke dauran sir, yarqan aur kharish mein mufeed hai. Albatta throat ke liye muzir hai aur balgham ko bigharta hai. Anar (Pomegranate) qabz, maqwi meyda aur ishteha aawar hai.

Apple

Fruits mein saib (apple) ko sab se ziyada sehat o tawanai bakhsh, lazeez tareen phal qarar diya gaya hai.

Apple aik khush zaiyqa, khush rang aur khush shakal fruit hai. Is ki senkaron iqsam hai. Saib (Apple) mein nisf hissa thos hota hai aur is mein ziyada protein aur khaand hota hai.

Apple apni ghizaiyat ke lihaz se duniya bhar ka maroof fruit hai. Bache, borhey, naujawan, bimar aur tandurust sab he shuaq se khate hain.

Fresh apple mein 84 % water hota hai. Saib (Apple) mein phosphorus sare fruits aur vegetables se ziyada hota hai.

Aur peels mein hiyateen aur vitamin C bhi bohat ziyada paya jata hai. Is lihaz se apple ka jhilka waste kar dena sahi nahi.

Apple peel ko aik qeemti chez samajh kar istemal karna chahiye. Apple (saib) na sirf aik behtreen sehat bakhsh ghiza hai, bal ke is ke istemal se khoon saaf hota hai. Face ki skin ke liye apple se acha koi tonic nahi. Is ke istemal se face color, jild mulaiym aur rukhsar surkhi se bharpor ho jate hain. Rozana niharmou aik se 2 apple ka istemal sehat ko qabil e rashk bana deta hai.

Apple (Saib) meyde mein pohanch kar pepsin ko tez karta hai. Jis se hazme mein madad milti hai. Bhook barhti hai, lever ka feyl bhi tez ho jata hai.

Jis ke natijey mein khoon ki peydaiysh bhi barhti hai. Apple mein phosphorus ka qudrati khazana hai. Is liye khoon ki kami wale patients ke liye to apple aik meymat hai au raise hazrat ke liye to is azeem neymat KHUDAWANDI se mustafeed na hona kufran e neymat ke mutaradif hai.

Apple (saib) ke peels ko hamare han aam taur par waste kar diya jata hai. Jab ke apple ke jhilke se nihayat khush zaiyqa lazeez tea tayyar hoti hai, jo aam istemal hone wali tea, coffee, qehwa ki tarha muzir rasa’an nahi, bal ke sehat o quwwat bakhsh hai aur is mein lemon juice aur honey ka izafa kar liya jae to is ke fawaiyd do chand ho jateh hain.

Yeh tea pechish aur bukhar muhraqa ki kamzori ko door karne ke liye mashoor aalam Maqwi mashroob Oval teen ka kaam deti hai.

Ginger

Ginger ko Urdu mein Adrak kehte hain. Asian Countries mein ginger fresh, dry aur powder ki shakal mein ba aasani har jagah dastiyab hai, jab ke maghrabi mumalik mein syrup aur crystallized shakal mein bhi dastiyab hai. Hamare yahan fresh ginger ko pees kar ya kutar kar khano mein dala jata hai. Yahan hum log powder ki shakal mein baking items mein use karte hain. Barre sagheer mein ginger tea aur mashroob bhi kafi maqbool hai. Mashroob ka liye 2 cup garam pani mein adrak (ginger) ke chand tukre daal kar aik do ubaal diye jate hain, phir is pani ko chaan kar shehad mila kar piya jata hai, yeh hazmey ke liye behtreen hai.

Adrak Ke Faide

Yeh yaad rakhiye ke ginger mein khoon ko patla karne ki bharpor salahiyat maujood hai, lehaza agar aap pehle he se khoon patla karne wali medicines ka istemal kar rahe hain to apne muaalij ke mashware ke bina ginger ka istemal na barhaen.

Adrak (ginger) aik garam aur khushk sabzi hai. Adrak (Ginger) mein vitamin C aur dosre badni ajzaa paey jate hain. Badi aur balghami mizaj walon ke liye bohat mufeed hai. Ginger khane ko hazam karta hai aur bhook barhata hai. Pait mein dard ho to ginger ka murabba faida deta hai.

Adrak ( Ginger) ko ghee mein bhoon kar sugar ke sath istemal karne se kamar dard aur mukhtalif dardon ko afaqa hota hai.

Adrak ( Ginger ) kidney aur masane ko taqat deta hai. Yeh dimagh aur dimagh ke amraaz aur falij ke liye bohat mufeed hai.

Adrak (Ginger) ka salan roti ke hamrah istemal karne se motapey se nijaat mil jati hai. Agar sardi ki wajah se awaaz beth jae ti ginger ko namak laga kar khane se awaaz khul jati hai.

Adrak (Ginger) ke use se Potato, Cauli flower, Cabbage, Peas, Turnip aur White Pulse ka badi pan khatam ho jata hai.

Adrak (Ginger) sabz halat he mein sookh jae to is ki sonth ban jati hai, jo ke choran waghera banana mein istemal ki jati hai.

Isemausam e sarmamein ba kasrat istemal kiya jata hai. Sardiyon mein kahin is ki chatni ban rahi hoti hai to kahin achaar dala jata hai. Aur kahin yeh salan, tarkari mein kaam de raha hota hai.

Adrak (Ginger) na sirf salan, tarkari aur achaar ke zaiyqe aur chatkhare mein izafa karta hai, bal key eh bohat se amraaz mein mufeed sabit hua hai.

Adrak (Ginger) ko bakasrat aur bila nagha istemal nahi karna chahiye. Kyun ke tabeeb matlaq ne har chez mein jahan beshumar fawaid bataen hain, wahan baaz muzraten bhi paida kar di hain. Aur phir had aur zaroorat se ziyada to roti bhi zehar ban sakti hai, yehi haal ginger ka bhi hai. Agar ise sahi zaroorat aur husool ke liye istemal kiya jae to yaqeenan faiyda hota hai aur agar be zaroorat ya muqarrara had se ziyada khaya jae to is ki munafat mazrat mein muntaqil ho jati hai. Aur is tarha hazma kharab ho jaye ga, seena jalne lage ga. Safra ki kasrat hogi. Urine mein jalan aur surkh rang ka aaye ga. Khoon mein garmi paida ho kar tarha tarha ki bimariyan peyda hongi.is liye yaad rakhiye key eh koi chatpati lazeez ghiza nahi, bal ke aik dawa hai. Jo zaroorat ke mutabiq hadde aitedal mein reh kar istemal karni chahiye.

Tibbi taur par adrak (ginger) ko bharpor antioxidant tasleem kiya jata hai. Yeh jism ki quwwat e mudafat mein izafa karta hai. Cancer aur amraaz e qalb se mehfooz rakhta hai. Khoon (Blood) ko thin karta hai aur kharab cholesterol ( LDL ) ko bhi kam karta hai. Yeh heart angez khusosiyat ka malik hai. Khas taur par hazme se mutallik amraaz mein nihayat mufeed hai. Adrak (Ginger) jism mein aise enzymes ki nashonuma barhata hai. Jo khurak ki mufeed ghizaiyat ko jazb kar ke tawanai barhate hain. Pait aur aanton ka aphara, khansi aur balgham aane ki shikayat mein is ka istemal terba hadaf sabit hota hai. Adrak (Ginger) ke oil mein jazb hone ki izafi salahiyat maujood hai. Yeh behtreen antiseptic bhi hai. Damey ki soorat mein honey mein ginger ka arq aur kali mirch mila kar mareez ko dene se kafi afaqa hota hai.

Palak

Yeh sasti aur mufeed sabzi afzaiysh khoon ki salahiyat rakhti hai. Soch lijiye agar bimariyon ke khilaf dhal banana hai to sabziyon mein spinach ke istemal ko tarjeeh den. Palak ko taqat ka raaz bataya jata hai. Lekin hum log vegetables ke istemal mein pasand na pasand ke meyar par is ki tawanai bakhsh khasiyat ko fauqiyat nahi dete. Darasal humen maloom nahi hai ke Palak faulad aur hiyateen ke mehnge syrup se kae ziyada mufeed aur kargar hai. Lekin behtar yeh hai ke ise ziyada bhona na jae. Sabziyon mein yeh sasti aur mufeed sabzi hai, agar zaroorat se ziyada na bhona jae to tawanai waste nahi hoti.

Palak Ke Faide

Ramzan Sharif mein hamare gharon mein mamool hai ke piyaz aur aalo ke sath sath palak ko bhi besan laga kar fry kiya jata hai. Agar hum besam ki miqdar mein izafa na karen to behtreen snacks hai. Besan ke sath mil kar is ke ghizai johar mazeed barhte hain. Green vegetables ko istemal karne ki hidayat is liye bhi di jati hai kyun ke in mein Maney takseed ajzaa ziyada hote hain. Maslan Vitamin A, C, E, K aur B ke ilawa Potassium, faulad, calcium aur zinc chupe hote hain. Palak mein folic acid ki miqdar waste na karna ho aur khusoosan barhte hue bachon aur Maa banne wali khawateen ko qudrati ghiza deni maqsood ho to rozana ki khorak mein palak ke chand patte Bhaap mein gala kar khilane mufeed hote hain. Khusoosan hamla khawateen ko paaon soojne ka aarzaa lahaq hone par yeh gur aazmana chahiye, kyun ke palak mein koi darjan bhar nabatati ghizaiyat bakhsh ajzaa maujood hote hain. Jo sehat o tawanai ki tamer karte hain. Albatta Kidney ke amraaz mein mubtila afraad ke liye palak muzir sehat hai aur mardon mein protest gland ki afzaiysh ke daur mein palak mein iron ki maujodgi ke sabab muzir qarar di jati hai, unhe palak nahi khani chahiye.

Agar darjano ghizai johar kisi sabzi mein maujood hon aur Dr.ya tabeeb aap ko palak khane se aehteraz baratne ki hidayat nahi kar rahe to phir pasand na pasand ko balae taaq rakhiye aur in ajzaa se faiyda uthaiye. Jo aap ko Cancer jaise marz se muqabla karne ki salahiyat muhayya karte hain. Amraaz e qalb ka aik aeham sabab Haemostain qarar diye jate hain. Ghiza mein in ki kasrat falij ka sabab bhi ban sakti hai. Spinach mein aik ghizai johar foliate maujood hota hai. Jo haemostain ki muzarton ko aetedaal par rakhta hai.

Spinach cancerse tahaffuz dilata hai, to khawateen mein chest cancer ke khilaf madafati khobi se faiyda uthana chahiye. Is sabzi mein carotene ka johar masane ke ghudood ke cancer ka khatra kam karta hai. Is ke mutawatir istemal se Ghutiya, waram aur dard se nijat mil sakti hai. Maaney takeed ajzaa hamare jism ko free Radicals ki takaleef se mehfooz rakhte hain air is sabzi mein yeh ajzaa wafer miqdar mein paey jate hain. Agar aap beenaai ki hifazat chahte hain to khud bhi Spinach kahiye aur bachon ko bhi is sabzi ke istemal ka aadi banaiye, yeh girti hui aur kamzor naxar ko sambhalta hai aur motia band se bhi mehfooz rakhta hai. Salad ke taur par kacha na kha saken to bhaap mein tayyar kar len, magar is ke patte khob chaba chaba kar khaeye aur apni sehat ke tahaffuz ka saman kijiye.

Karela Benefits

Bitter Gourd ( Karela ) yeh sabzi pore barre sagheer mein khai aur ugaai jati hai.

Yeh apne tibbi fawaiyde ki wajah se Maghrabi duniya mein bhi kafi maqbool ho rahi hai. Karela beshumar ghizai ajzaa par mushtamil sabzi hai. Is mein Calcium, Magnesium, Phosphorus, Potassium, Sodium, Zinc, Copper, Protein, Selenium, Fiber, Vitamin A aur C bhi hota hai.

Ghazaiyat se bharpoor hone ki wajah se yeh beshumar amraaz mein faiyda pohnchati hai. Is liye atbaa o hukma arsaa daraz se karela ko dawaiyon mein bhi istemal kar rahe hain aur Karela paka kar khane ka mashwara bhi sete hain. Baaz log is ki karhwahat ki wajah se ise na pasand karte hain, lekin agar Karele ko cheel kar 3 se 4 ghante ke liye Namak laga kar rakh diya jae, to karele ki karhwahat mein kami aa jati hai.

Qeema Karele aur Karele Gosht Barre sagheer le logo ki marghob ghiza hai. Is ke ilawa Qeema bhare Karele bhi zaiyqe mein apni misaal aap hain.

Benefits of Karela In Diabetes

Karela Diabetes ke liye desi ilaaj hai. Haliya tibbi tehqeeq mein yeh baat samne aai hai. Ke is mein Insulin se mushabiha aik Mada paya gaya hai. Jise nabatati Insulin ka naam diya gaya hai.

Yeh mada Urine aur Blood mein Sugar ki miqdar ko kam karta hai. Yehi wajah hai ke purane tajurbekaar tabeeb karele ka istemal sugar ke patients ko tajveez karte hain. Ziyada behtar nataiyj hasil karne ke liye Diabetic ke patients ko roz Subha neharmou 4 se 5 Karelon ka pani pina chahiye. Karelon ke seeds ka safoof bhi ghiza mein shamil karna bohat mufeed hai.

Karelon ko ubaal kar un ka joshanda istemal karna bhi diabetes ke liye mufeed hai. Karele ka safoof bhi mufeed hota hai, magar 2 gram se ziyada istemal na karen.

Stomach ke liye bhi karela bohat mufeed sabit hota hai.

Insani jism mein jama hone wale fasid maado ko kharij karne mein madad deta hai. Yeh antarhyan saaf karta hai. Pait mein dard aur marhor nahi hone deta.

Pait mein keerhe ho, meyda kharab ho, bhook na lagti ho ya gas ki shikayat ho, yeh sab mein nafaa karta hai.

Karela Juice Benefits

Jigar ke marz mein bhi karela bohat mufeed hota hai. Karele ke juice mein thors sa shehad mila kar peene se Yerqaan jald thek ho jata hai. Jigar barh jae to dawa ke sath karele khane aur in ka pani peene se jaldi afaqa hota hai.

Karela masfi khoon bhi hai. Yeh khoon ko saaf kar ke quwwat e madafiyat barhata hai aur mukhtalif qisam ke infections se jism aur jild ki hifazat karne mein muaawin hai. Aaj kal garmiyon mein, khusosan barsat ke mausam mein chehre par pimples nikal aate hai, to khuwateen hafte mein 2 se 3 bar karele paka kar gharelo ilaaj kar sakti hai.

Taza karelo ka pani neharmou Lemon juice mila kar pine se skin saaf shaffaf aur chamakdar ho jati hai. Karelon ke istemal se aesaab mein bhi tehreek hoti hai. Yeh thakan ko door karta hai.

Aur ghutiya, falij aur laqwa mein bhi mufeed hai. Seene aur saans ki bemari mein bhi bohat faiydemand sabit hota hai.

Jarhon ka maleeda aik tea spoon, honey aik tea spoon aur tulsi ke patton ka juice aik tea spoon mila kar peene se in tamam amraaz mein afaqa hota hai. Karele ke taza patton ka juice bawaseer mein bohat faitda pohnchata hai. 3 tea spoon patton ka juice aik glaas lassi mein daal kar subha neharmou peena bawaseer mein mufeed hai aur karele ki jarhon ka paste masso par lagane se masse bhi jharh jate hain.

Karele ke patton ka juice drugs ke bure asraat ka bhi ilaaj hai au raise tamam zehrilen madoon ke liye yeh muaasir taryaaq ka kaam deta hai.

Karele mein maujood Beta Carotene aankhon ke liye be had mufeed hai aur beenai ko barhata hai.

Khuwateen yeh baat jaan kar bhi hayran hongi ke karela motapey ko bhi door karta hai aur wazan ghatata hai.

Is ki sabzi hafte mein 2 ya 3 baar khane se jism ki faltu charbi utarne lagti hai. Is ke ilawa karele ka safoof bhi is zaman mein mufeed sabit hota hai.

Karele pakane mein yeh aehtiyat karni chahiye ke fry karne ke bad is mein pani na dalen, zara sa bhi pani dal jae to sari sabzi karhwi ho jati hai. Aap chahe to Tomatoes ya yogurt dal kar bhoon sakti hain. Karela aik qudrati tonic hai, go key eh garmiyon ki sabzi hai, magar ab taqreeban sara saal he dastiyab rehti hai.

To karele khaey aur sehat paey

Mango In Urdu

Bilashuba jis phal ka intezar bachon, jawano aur borhon ko rehta hai wo Aam (Mango) he hai. Mango ka zikar barre sagheerPak o Hindmein tawatar se milta hai.

Atbaa o Hukma (Mango) Aam se mustafeed hote aur apne hakeemi nuskhon mein Aam (Mango) ko shamil karte rahe hain.

Mango pakne se pehle Carry ki shakal mein aa kar khush zaiyqa Achaar ban kar Lazzat e kaam o dhan ko shad karta hai.

Mirza Ghalib to Aam (Mango) ke aashiqon mein apna naam likhwa gaey hain. Un key eh kehna ke “ Aam ho aur bohat se hon ”… aik zarb ul missal ban chukka hai. Aik martaba kisi ne un se mazaq mein keh diya ke Aam to Gadhe bhi nahi khate,

Mirza Ghalib ne forun jawab diya ke waqai Aam gadhe nahi kahte. Aur jawab sunne wala apna sa mou le kar reh gaya.

Aam (Mango) aik fruit he nahi, aik tehzeeb ka naam hai. Jis ka zikar hamare adab o tareekh mein bhi milta hai. Is se hamari bohat si tehzeebi aur saqafti riwayat jurhi hui hain. Baaz afrad reshedaar, kuch khushbodaar, jab ke baaz mithas ke lihaz se Aam (Mango) ki mukhtalif iqsaam pasand karte hain. Khusoosan Langra aur Chaunsa bohat pasand kiye jate hain. Aaj to nae nasal ko yeh bhi maloom nahi ke wo jo Mango kha kar lutf andooz ho rahe hain us ka naam aur us ki pehchan kya hai. Kaha jata hai ke Mango khane ka durust waqt barish hone ke bad ka hai. Kyun ke us waqt tak Mango pak kar bilkul tayyar ho jate hain aur barish ke dauran un ki mithas aur gazaiyat mein izafa ho jata hai.

Chakotra K Faiday

Chakotra k beshumar fauday hain. Chakotra (Grapefruit) mein beshumar ghizai ajza maujood hota hain. Jaisa ke potassium, protein, foliate, niacin, mukhtalif antioxidant, sodium, calcium, copper, iron, magnesium, selenium, zinc, vitamin A, C, E, aur K, pyridoxine aur thiamin mukhtalif miqdar mein paey jate hain jo insane jism ke liye zaroori hote hain. Chakotra (Grapefruit) ka use insane jism ko quwwat bakhshta hai, is mein madniyat ka khazan chupa hai. Is mein maujood vitamin C ke fawaiyd par tawajja deni bohat zaroori hai. Yeh nazle, zukam aur flu jaise amraaz se bachata hai, jo hamare han amooman mausam e sarma mein bohat se logon ko ho jata hai. Is mein shamil Bioflavonoid cancer ke khilaf mahaz khol dene ki salahiyat rakhte hain. Is mein amujood alkaline aik aisa juz hai, jise agar saqeel ghiza khan eke bad kahya jae to wo is ko zod hazam bana deta hai.

Chakotra (Grapefruit) jahan jism ko dosre moozi amraaz se mehfooz rakhta hai, wahin sugar jaisi bemari jo andar he andar insane ko khokhla kar deti hai, is mein bhi bohat mufeed hota hai. Heart patient ke liye Chakotra (Grapefruit) ka use kisi dawa se kam nahi. Is mein maujood Pectin aik aisa juzoo hai, jo sharyano ki tangi door karta hai. Dil ke khoon ko pump karne mein muaawin sabit hota hai. Insane sehat ka inehsar lever ke afaal ki durustegi par bhi hota hai. Yeh fruit jigar ki sozish ko kam karta hai. New blood banata hai aur agar jism mein cholesterol ki miqdar ziyada barh jae to Grapefruit ka use use rok deta hai. Is ka jhilka pait ke keerhe nikalta hai. Is liye bachon ko bhi Grapefruit khilana chahiye. Is ka istemal bhook barhata hai, meyde ko mazboot banata hai, thakan bhagata hai, garmi ke zukam mein mufeed hai, pyas door karta hai. Is ke aik Pao juice mein roti ke baraber ghizaiyat hoti hai.

Subha sawere is ka istemal pait mein gas nahi banned deta. Meyde ki jalan ya bojh ki sorat mein, bhook kam, piyas ziyada lage aur vomit hone lage to aik pao Chakotre ki phanken namak aur cheeni ya phir kali kuti mirch chirhak kar khane se chnad roz mein araam aa jata hai. Chakotra (Grapefruit) ka pani taqreeban aik pao 3 week tak rozana istemal karne se pitte ki pathri ghul kar khatam ho jati hai aur pitta taqatwar ho jata hai.

Grapefruit Skin Treatment :

Grape fruit ka juice daily aik glass pine se body mein blood circulation tez hoti hai. Body mein maujood fazil maadey kharij ho jate hain aur is tarha rangat nikhar jati hai. Is ke jhilke ka ubtan banaya ja sakta hai, jo face par malne se yaqinan color nikharta hai aur jhaiyyan dool ho jati hain.

Grape Fruit Mask:

Grape fruit ke jhilkon ko sukha kar arq e gulab mein mila kar mask bhi tayyar kiya jata hai, jo ke face ke masamaat ko gehrai tak saaf karta hai. Garz yeh ke jismani sehat ki nahali se husun ki afzaiysh aur namo tak Chakotra aap ke sath sath rehta hai. Mausami fruit hai ise kha kar faizyab hon. Yeh ALLAH PAK ke beshbaha ghizai neymaton mein se aik hai, tahum yeh zaroori nahi ke aik plant fruit aik he waqt mein kha liya je. Kam miqdar mein bhi fawaiyd ka husool mumkin hai to phir is ko istemal karen aur apni zindagi ko tar o taza banae.

Tomato

ALLAH PAKne duniya mein koi chez bhi be maeyne paida nahi ki. Aik choti si nazar aane wali sabzi tamatar (Tomato ) apne andar kitnni afadiyat chupae hue hai. Is baat ka andaza lagana mushkil hai. Tomatoes ka shumar duniya ke mutadid areas mein aeham tareen sabziyon mein hota hai, yeh thore arsey tak mehfooz rehne wali sabzi hai. Jis ka pauda sara saal phal deta hai. Is roots chapti, gehri aur reshadar hoti hain. Stem mazboot, roeyndaar aur leafs bezwi hote hain. Phal gol ya bezwi mulaiym, gudaz aur surkh rang ka hota hai. Zard ya gulabi rang mein bhi paya jata hai. Seeds mutadid chapte aur kisi had tak khamdar hote hain. Ibteda mein tamatar (Tomatoes) aik chote, moti jild wale jhurriyon bhare phal par mushtamil sabzi thi, is ke phal ki shakal beqaiyda aur jasamat choti thi. Lekin science procedure apnate hue mutadid tajurbat ke bad ab is ki shakal aur jisamat badal chuki hai. Ab is ki senkaron qismen hain. Is mein ziyada tar mulaiym, gol aur kam o besh sakht godey wale hain.

History of Tomatoes

Tomatoes (tamatar) ka ibtedai watanAmericamein Peru aur Ecuador ka area hai, wahan se 16th Century ke aaghaz mein Hernan Cortes use Europe mein lae, lekin kae barson tak yeh pauda Gardens mein mehaz aaraiyshi maqasid ke liye boya jata raha hai. Europe wale ise Loveapple kehte the. 1860 mein yeh baat manzar e aam par aai ke Tomato deegar vegetables ki tarah aik mufeed ghiza hai. Is daryaft ke bad bohat jald yeh pori duniya mein maqbool ho gaya. Ab yeh Malaysia, Indonesia, Philippine, Wasti Mashraqi aur maghrabi Africa, junobi America, jazaiyr alhind aur pore mntaqa haraa mein kasht kiya jata hai. Duniya bahr mein kasrat se ugaai jane wali sabziyon mein ise dosra number hasil hai. Jab ke pehla number Potatoes ko diya jata hai.

Tomato Benefits (Tamatar Ke Fayde)

Mehaz 150 baras pehle Tomato ( tamatar) ko zehrili chez samjha jata tha. Ise bohat se log tezabiyat peyda karne wali ghiza qarar dete the. In ke khayaltamatar ke fayde bohat hote hain tomato khane se khoon aur jism ki bafton mein tezabiyat ka izafa ho jata hai.

Ghizai chemistry mein is ke haliya tajurbat ne tamam tar manfi tasawurat ko batil qarar diya hai aur in mein aesi ghizaiyat aur sehatmand khobiyan paai jati hain jin ka koi muqabla nahi kar sakta. Tomato mein Calcium, Phosphorus, Vitamin C aur Carbohydrates wafer miqdar mein paey jate hain.

100 gram tomato (tamatar) mein 9 % ratobat, 0.9 Protein, 0.2 Fats, 0.5 maadni ajzaa, 0.8 resha aur 3.4 Carbohydrates paey jate hain. Maadni aur hiyatini ajzaa mein 48 mili gram, calcium 20 mili gram, phosphorus 0.N mili gram, iron 271 mili gram, Vitamin C aur kuch miqdar mein Vitamin B complex shamil hote hain.

Tomatoes mein paey jane wale carbohydrates pehle hazam shuda shakal ki soorat mein hote hain. Bohat mamooli miqdar mein aisa nashasta hota hai. Jo pakne ke marhaley ein pohanch kar sugar mein tabdeel ho jata hai. Tomatoes buntadi taur par khaad wali sabzi yani alkaline vegetable hai. Is ka tursh zaiyqa darasal sleek acid ki wajah se hota hai, jo is mein 0.5 paya jata hai.

Tomatoes mein 0.52 se 1.81 % tak Citric acid aur oxalic acid mehaz mamooli miqdar mein paya jata hai. Is mein paey jane wale teyzaab Sodium aur Potassium ke sath mil kar Sodium ya Potassium acid, citrate air oxalate tashkeel dete hain. Tomatoes ko khoon ki tezabiyat aur is se mutalliqa amraaz ke ilaaj mein muassir qarar diya jata hai.

Is ke istemal se Kidneys se zehrilapan khatam ho jata hai, jo mukhtalif amraaz ka sabab banta hai aur hamare jism ke nizam ko aalodah karta hai. Hamesha ise paki hui shakal mein istemal mein lana chahiye.

Is ke pakne ke amal ke sath sath is mein Vitamin C ki miqdar mein bhi izafa ho jata hai. Duniya mein sab se ziyada piye jane wale juices mein tomatoes ka juice ko pehla maqam hasil hai.

Taza tomatoes ka juice intehai mufeed aur alkaline ki taseer bakhshne wala mashroob hai. Is ke godey ko face par mal kar aadhe ghante ke baad garam pani se dho len, to kuch dinon ke istemaal ke bad rangat nikhar jati hai. Aur keel mahasey tezi se tehleel ho jate hai. .

Diabetes : Sugar patient ke liye Tomato bohat achi ghiza hai, kyun ke is mein Carbohydrates bohat kam miqdar mein paey jate hain. Atbaa ka kehna hai ke Sugar patients ke urine mein sugar control karne ke liye tamatar (Tomatoes) bohat muassir ilaaj hai. Asthma Problem : Fresh tomatoes ka juice, shehad aur chutki bhar choti ilaeychi ka safoof mila kar rozana raat ko bistar par ajne se pehle aur garlic ke chile hue 3 piece khan eke bad peena TB aur Lungs ki deegar bimariyon ka bohat acha ilaaj hai. Yeh jism mein quwwat e mudafiyat barhata hai aur tapdaq mein adwiyat keg her muaasir hone ko khatam karta hai. Asthma mein yeh saans ki naliyon mein tezabiyat ki sharah 5.5 ya is se bhi kam rakhta hai. Chunache pathri ke khatrat kam se kam ho jate hain.

Aloo Ke Faide

Vegetables mein aloo (potato) ka istemal sab se ziyada hota hai. Aloo (Potato) zameen ke andar peyda hone wali mashoor sabzi hai. Aloo (Potato) mein vitamins B, C, E aur H, protein, namkiyat aur roghni ajzaa wafer miqdar mein maujood hote hain. Aloo ka mizaj sard khshk hai, potatoes khane se jism mota hota hai. Aloo (Potato) meyda aur khoon ki acidity door karne wali aik sehat bakhsh khari ghiza hai. Is ke kharipan aur acidity ki wajah se is ke istemal se dil ke ird gird aur sharyano mein cholesterol nahi peyda hota. Aloo (Potato) mein behad ghizaiyta hoti hai. Yeh jism ko taqat deta hai. Potatoes mein natural sweetness hoti hai.

• Burn jagah par kache aalo ko kuchal kar is ka leyp kar den to dard ko araam milta hai aur aabla nahi parhta.
• Steam mein bina peel off kiye potatoes ke tukre kar ke Butter ya milk ki malai mein mila kar khilane se bachon ki sehat achi hoti hai aur in ki barhotri mein izafa hota hai.
• Aise patient jin ki kidneys mein pathri ho wo potatoes ka ziyada se ziyada istemal karen aur sath he din mein 14 se 15 glass pani piyen. Pathri reza reza ho kar nikal jaegi.

Barre sagheer mein yeh har mausam mein milta hai aur kam o besh sara saal khaya jata hai. Yeh lazeez aur jism ko parwarish karne wali ghiza hai. Is ka mizaj sard hota hai.

Doctors kehte hain ke Potato behtreen ghizaaon mein se hai. Potatoes mein Iron, Calcium, potassium aur phosphorus ki miqdar bohat kafi hoti hai. Is ke ilawa magnesium, sodium, chlorine, iodine, aur copper bhi paen jate hain. Chonke yeh chezen insane jism ki tamer o baqaa ke liye zaroori hain. Is liye bataur ghiza potato nihayat mufeed hai.

Potato mein vitamin A, B aur C kafi miqdar mein maujood hota hai. Aloo (Potato) mein vitamin B itni he miqdar mein hota hai, jitna gehon ki roti mein. Is mein jazaae malhama kam hain, lekin nishasta bohat hai. Jo jism ke liye taqat bakhsh hai. Potato (aloo) pakate waqt vitamins waste ho jate hain. Aur is ka sabab yeh hai ke wo pheyl jate hain. Aur ziyada hararat se jal bhi jate hain, is liye is baat ka khas khayal rakhna chahiye. Ke mumkin hai halki aanch par dair tak pakane ya dair tak unhe garam rakhne se vitamins waste ho jaeyn.

For Consultation click here